龍鳳石澗源起九龍坑山，流入鳳園。其180米高位又有分出左右二源。荒坑之中，此坑可謂近年略有人氣 (事後才發現的)。如今週日有得跟隊一探此坑，而且聽聞入澗時會遇上村狗，人多可以壯膽，便跟隊去了。
午後先出發，
澗左方乃村屋，未能通行，要先過橋經教育中心旁山徑，從右方入澗。
走了一小段山路左轉入所謂荒徑...
穿林下降過後為農地，農地內有村狗幾隻，但都在籠內。
35米處，一邊俾狗吠一邊入澗 (14:40)
入澗初段澗道平緩而乾旱。
45米分源位前終於見水...易走的是左源但溯龍鳳石澗要走右源。
發現行錯後，唯有向前多走十數米再cut返過去右邊...
雖說地圖有山徑但在現實中路是剪出來的。
見右方澗道比左邊密...
之後是越行越密...
有啲位太密就直接鏟澗右邊禾草堆避...
鏟了廿幾米似乎可以cut返入澗了。
沿澗前行至50米高，似乎漸入佳景，前路開始清晰...(15:25)
好大條水管...
60-80米一段偶有水潭，雖說澗道兩旁仍偶有華南雲實和懸鈎子，但已經算是比起前段好行多了。
80米的分源位，很清晰吧? 走左邊主源。(15:50)
100米可見澗道最後一個人工堤壩，可以一級一級行上去。(16:05)
堤壩過後是主瀑，約三層樓高。
排隊逐個上...
125米地圖水線分源位過後，又是平緩澗道中穿插，但比起入澗之後一段算好多了。(16:20)
所謂終點在望，此地上望可以預見後半段幾斜下...
135米起，澗道始有攀升，亦有瀑有潭，澗容不俗！
165米，地圖話左邊係小分源... (16:35)
170米左右分源位，左源壁位直上嘅話都有成60-70度斜，又少手腳位。(16:40)
右邊好上少少，唔想爬都有得再兜右邊山路。
上到右源瀑頂可以cut返去左源睇下，原來左源個瀑仲有一層。
返回右源繼續上...
200米起，越嚟越斜，可以快速攀升，幾爽下。(16:55)
280米有一棵大樹，遠睇都feel到佢根部大大加抓住地面，幾有壓迫感之餘又幾靚下，仲好好爬添。 (17:15)
呢區有好多山頂工地跌落嚟嘅警告膠帶... 遠睇好似路標但近睇係一大堆垃圾，有緣嚟多次嘅話再清🤡
300米再分左右，右源直指山徑，走右邊。
340米，前方乃芒箕林，打右離澗了。(17:30)
好快接回山脊小徑。(17:40)
上九龍坑山走人...
沒有留言:
發佈留言