山澗精選

最近有感山澗引索好似有啲長了，一張長長的列表，對於讀者可能不太吸引，所以特意整理了一下筆者覺得特別、或值得一遊的石澗...

圭角/林村石澗

• 牛潭尾左坑 /  大坑瀝

好水又好玩，幾正的一條澗，荒坑而言算係澗容最top的幾條之一！

• 牛潭尾坑 / 圭角西坑

靚的林澗中近年算比較少人玩，多石室，又係幾正的！

• 營盤坑中源

坐擁了營盤坑四源中最可觀的一瀑、最開揚的坡板位！

• 白牛石坑右源最右支

望一下地圖等高線都知係正野，大大力推薦！

• 白牛石坑左源右支
   

  望一下地圖等高線都知係險野，可以去見識一下大刀屻點解係險峰... 

• 塘面左坑

「一條又密又多黃藤嘅澗，但佢瀑流，潭，壁都唔少，值得一爆！」by 衛兄 @hwil_hk

西貢西水系遺珠

• 坪墩西坑

不計雞公山嗰堆，算是有西貢西水系內最高的瀑布...吧？

• 畫眉西右坑 / 花榕右坑

澗通，壁瀑別具特色，另內藏高瀑，精彩！

其他水系精選

• 黃牛水系 界咸坑 / 橫輋坑

黃涌石澗的一條右源，石景不錯又好玩的

• 彌勒水系 牛凹坑

          彌勒水系中一條富大刀屻水系特色的靚澗...

• 老虎頭水系 長沙欄坑

愉景灣高爾夫球場的去水澗，唔少開揚壁瀑坡板！

• 麻雀嶺水系 亞公頂北坑 

力推190米高處瀑布！

• 馬鞍水系 西徑左坑

好爬好玩，連壁不斷，亦可下溯

• 西貢東水系 牛湖墩東坑左源、田鹿坑

• 嶼西水系 長亭坑

坑窄但多攀！

• 鳳凰水系 東狗牙南坑

• 吊鐘洲 大往灣坑

有迷你狗嶺涌瀑布🫶🏻

大水短遊精選

• 插桅杆坑 / 插桅杆右坑

易出易入，既可深探又可淺遊。

• 馬塘坳南坑 

引水道滿溢的話會有非常壯觀的靚瀑！

• 河背右坑

連續開揚瀑，雖然未親身經歷過，但已經相信大水嘅時候絕對不錯！易出易入！

• 鶴咀 芽菜坑

出海位置乃一40米高的瀑，可謂香港境內奇觀...

林村林藝精選

• 新隆圍右坑

溯此坑冇乜體驗可言...大量林藝，而且下源又平坦...

• 營盤坑右源

雖然有大量林藝原素，但有幾個瀑仔幾靚的，不怕密嘅建議去探一下...

• 和合石坑

黃藤party，上次只係開到120米，想走都唔簡單。有人去咗開發上源可以同小弟講一聲...

黃嶺林藝精選

• 龍尾坑

除咗果老南坑分源位以下一段之外，八仙嶺南坡啲澗都不錯的，但呢條係例外...

• 雲山下坑

九龍坑山幾條一般般的澗中最多簕的一條。

• 龍鳳右澗右源 

入口密，但中段有20米高瀑，求大隊剪通🫶🏼

 

其他值得一提的石澗

2022年度最有人氣荒坑：純陽南坑

2023年度最有人氣荒坑：塘面左坑 / 担水徑坑 (如包括SAR)

最應該剔出《香港山澗叢集》：金鐘坑 / 金字塔石澗

告急「要人」景點 :  響石塘石河