牛潭尾左坑 / 大坑瀝

據桂角山志所載，雞公嶺北坡除了土名為「長坑」的牛潭尾坑 / 圭角西坑外，左方有一澗土名為「大坑瀝」。地理上，此澗是蛇鼠脊東邊第一條水線 (相應地右方的乃牛潭尾坑) 。雖說應該幾乎沒人探過此坑，但從地圖可見，此坑150米之下，右方乃一大片石屎排水坑渠，相信會有少量人跡，而探遊過後的確證實了這一點。至於150米以上，就似乎不見開林的跡象，有幾個位都要親自動手了🫢 (依家應該通了)

另外值得一提，此坑係好靚又好玩的，而且富有圭角北坡特色，絕對係值得一去嘅澗，只可惜一直都寂寂無名...

今日勁早出發，37小巴入牛潭尾，沿途都有日出睇。

下圖中間偏左的澗谷就是今次要探的大坑瀝，右邊就是之前探過的牛潭尾坑/圭角西坑。

接入清攸路，圭角西坑或蛇鼠脊轉右，但今次轉左🤫





雖然澗口係喺前邊，但係根據地圖右邊亦有水渠可以接近澗道，又可以避免人工建築物阻礙入澗的問題... (07:35)

後來發現是諗多了，前面都可以入澗...





方向幾亂的，結果玩了好一陣...

此澗150米之下右邊一直會有石屎水渠，等陣間會再見到的。

穿過竹林鏟入...



最後終於在72米處入澗了。



先向下探吓澗口...

似乎正常地入澗也可。



開始上溯，66米有一石屎堤壩。





經過剛剛的入澗位，繼續上。說實話，冬日荒坑有此般水量好已大超預期了。









85米，開始出現黃藤，但不要被嚇到，目前此位中間是通的。

盡力開大一點吧...





95米，前路似乎被黃藤完全封死...

這次無謂強行糾纏，右邊繞過。(今次又落了標🤡)

黃藤密封位置不長，好快可以再入返澗...

100米，此位置出現一石室，總之就係一舊大石壓着令一舊較小的大石咁樣... 

已經幾開心了... (08:30)

石室右邊乃小瀑...



有水泥砌成的樓梯，相信應該是右方興建水渠設施時遺下的...

石室不同角度留影...

上方的大石是這樣被支起的...

還有一舊水泥弄出嚟的石頭🤪

玩夠了，繼續前進。

105米，從石室另一面離開，前方好似有禾草稍為阻路，酌量修剪吧。







接回被禾草侵佔的澗道。





算是有華南雲實封路，大剪一翻。

暢通！

扮成樹枝的鐵水管...

115米一瀑，雖只有一層樓高，但形態頗有特色，而下方水潭又不淺。

左邊兜上...

128米的小分源位... 理所當然走右邊。

又有石罅，捐入去睇下...





又有華南雲實封路，又要大剪一翻。

峽中上攀。

回望下方...大剪後通曬🤡

135米，再有一堆大石，至少兩層樓高，實在太正了！(09:30)

這組石的右方乃一石室。



石堆左方乃一條罅，雖有流水，但即管捐入去...



從下圖下方處捐出來，上面仍有一層，太好玩了！



此上攀位頗窄，只容一個身位通過，必須先卸下水袋。

上攀後下望。

終於開始開揚了...

再略為修剪...

140米，右方乃竹林，走出去睇吓，果然入澗時的水渠仍在！

入返澗，前路似乎有少量黃藤。

此處黃藤不太密，又開了一個大窿直接行過。

好快通返，繼續通行無阻，而且仍偶有水潭。

前面封死了？不是，大石頂起了樹枝，有條罅捐過去的。

170米，另一個中小型瀑，約兩層樓高。

右邊一級級咁上..

之後有一個小型瀑布，只有兩三米高。正上此瀑，瀑頂幾跣下。

瀑頂華南雲實當道，又係大剪一翻的時候了。

接着是黃藤出場，不密封可以捐過，但都酌量清理。

190米分源位，左源澗谷較大，走左源。



少量簕藤繩網陣，現在要剪的都已經剪了。

之後繼續是石河了。

黃藤再出現，但可以上右方石壁繞過。

回望，可見不完全密封。



之後直接是一瀑，約五米高，小心依附苔草而上。

到達瀑頂，205米。只計冬日有水的，此為尾瀑。

繼續沿石河狀澗坑上...





225米，前方再出現一組石頭。(10:45)

似甚麽的想象力就自行發揮吧，但至少大小方面已經令人驚喜。

石塊中間又有個窿，又走入去捐下。留意一下左邊舊石好多凹凸窿，即使咁直都可以有腳位直接上攀。





上攀過後又小休🤪 條澗太正了，今次刻意放慢進程，咁就可以玩耐啲。



繼續前進，仍然係大型石塊當道。

大大小小石塊堆疊，形成不同的石罅石洞石室，非常出色。(論石景規模而言，此坑比牛潭尾坑更勝一籌，可以稱得上石林🤡)

240米，澗道在左，但石林一直延伸向右方，即管一探。

應該冇嘢睇了，返回澗中。



見到密咗少少，但原來繼續上仲有大石，嘗試中間突圍。

此位置正面上攀幾難下，都係落返去從右邊上。



右邊則是一翻林藝。

Before:

After:

總算剪出了一個洞，攝到身體過去。剛才是從下邊這個窿爬出來的。

捐返出嚟之後，變咗第二個世界... 255米，澗谷擴闊，澗貌大改，變咗一片草原...



回望後方，都是一片綠...

GPS同地圖都顯示水線偏向左方，嘗試移向左邊少少...

雖然是穿林，這段路程相當短，食得太多甜野要吃返少少苦中和返😂

貼到澗谷最左方，終於見到清晰的澗坑。





270米，雖然冇水，唔緊要，仍然都有幾塊壁玩。





此處開始有上源味... (11:45)

290米，見右方有幾舊大石，即管過去睇一睇，冇乜特別的。





繼續沿水線上... 去到呢個高度唔會有咩難位...















石河繼續延伸... 









390米，水線到盡頭了，但澗谷大致上仍在。可以沿疏林繼續上。





 

 

435米，前方已密，係時候開始向左方離澗。先是橫移十數米，之後就開始向左上鏟。(12:35)





沿途可以同蛇鼠脊上的遊人對望。



480米，接回冇乜用的路胚... 反正雞公嶺四處是短草坡，周圍鏟都得😂 (12:50)