犁壁左坑

「黃嶺南坑」的右源「犁壁南坑」之澗眾多，右方先後分出犁壁右坑 (87米)、犁壁中坑 (90米) 和犁壁左坑 (150米)；當中犁壁右坑於145米再分出右源純陽西坑。除了犁壁左坑外，其他好似都行過晒了，所以今次會掃埋佢。

又又又再一次喺山寮路深入...

又一樣係呢個位入澗。(07:45)

惡狗聚集區域已過，喺呢度鏟返上石屎路。

從後方瞭望寮屋群。

犁壁南坑下源。

繼續沿車路深入，發現一架落單的挖泥車。



可惜唔識揸，如果唔係又可以偷少少腳程了🤡





經犁壁右坑和犁壁中坑澗口。

車路盡處乃泥地，想來好耐了。

穿林下降入澗。

135米入澗，既然係犁壁南主源的一部份，當然係幾有人氣的。(08:10)

150米分源位，今次要行的犁壁左坑在右，但似乎沒有清晰入口。 (08:20)





沿左主源前多少少先直接向右鏟過去。





摸返到條澗了。









初頭有少少密，水線唔算清晰，但170米起澗道好快回復正常了。

尚算多壁，可以說合格了。

220米，附近霧氣開始多了，仍然多壁。

不過不得不說此支乃犁壁南坑咁多條支中最弱的一條，等高線太平均🥱

 

今年第一次見開花...

280米分源位，右方高處此峽乃右源。(08:50)



左主源亦有一壁，行這邊了。

分源後一連串壁頂止於315米，之上目前仍算有澗型，但窄咗好多了。

350米，此壁頂突然間多了很多植披擋路，算是幾密下，似乎少人跡。

回落至壁底，右方略疏，似乎可以沿脊上離澗。(09:10)





一去無回頭，跟澗說再見。







425米，接山寮往犁壁山的荒徑。基本上呢都係沿山泥傾瀉位穿插上，走線好自由的🤡 (09:30)



470米，前路似乎消失在禾草堆中，情況要急轉直下嗎？非也，中間是有路胚的。

530米，接衞奕信徑。(09:55)