之前有一次閒遊七弦琴坑過後，途經友愛坑澗口，見好似幾好環境咁，已想去一探此澗好耐了。如今兩個月過去，恰巧昨日遊犁橫右源時腳滑跣了一下，臀部仍痛，不出遠門了，便決定把探此澗的計劃付諸實行。同時，見此澗和排頭坑幾近，便一同安排在此日行程吧。
不得不提此回友愛坑入澗之途可謂驚險，友愛村的村狗十分友愛熱情；上面地圖虛線乃地龍路段，而粉紅色乃和村狗友誼賽跑的路段...
沙田排頭村直入，沿途已經可以望到排頭坑下源。
90米，就此入澗上溯，可見此澗下源並非特別疏通，但至少也有幾個小瀑睇。(09:15)
120米，感覺好似越上越密。
直接行過去吧。
轉眼間已經出現在140米水壩底。
應該冇得直上，左邊泥坡避開。
估計上段應該較多人探遊吧...
但下方地龍更加吸引🤤
左邊嗰一條直通友愛坑，就咁樣過去了。(09:50)
沿路所見好多蝙蝠...
回望地龍口...
一出地龍口係銘泰園，閘口中門大開，同兩隻村狗你眼望我眼幾秒，佢哋好熱情追出嚟🤧 多人就夠膽反擊，一條友就快快跑去大路了。 (10:00)
跑到帽都跌埋...
(下圖右邊係啱啱的round 1，等陣左邊仲有round 2)
出返大路，有晨運人士... 睇嚟喺呢區蒲開嘅人都見怪不怪了
嘗試從水務署水閘(?) 左邊入澗，但右邊銘泰園啲狗似乎唔鍾意😑
驚了，唔想在澗入面近距離搏擊... 只好另覓入口。
嘗試沿左邊石屎路上多少少，再cut入澗。之後又突然有另外兩隻村狗從旁殺出，開始round 2賽跑🤡 俾狗追入澗都係第一次...
最後沿道跑入，見一廢屋，捐咗入右方林內才安全，回望狗隻似乎走了... (10:20)
下方直接乃友愛坑，中間隔着約10米落差的碎泥坡/崖，要從此落澗則必須滑泥。
對面乃銘泰園。
先試就咁鏟落去，落了兩三米，泥坡勁碎，又一次驚動了村狗🤡 唔想喺澗入面同狗玩，只好典返上去。
心裏掙扎了幾分鐘，最後還是出林，從廢屋左方鏟上。唔使一分鐘竟已能接回小徑，沿樓梯上仲有兩三間屋。(10:25)
擾攘一番，終於開始向右穿林入澗。
越嚟越接近條澗，點解前邊好似好光咁...
原來係180米高的主瀑嘅反光😍 這塊壁得來不易😮💨 (10:45)
壁左面比較光滑，但中間有一峽可以上攀。
到頂了，此壁不算太斜。
上段澗道開始收窄，但仍然連續有壁瀑可觀，太正了！
沿澗上右方乃水管，有不少位置如不欲正攀都可以瀑右扶水管繞過。
220米有一磚頭砌成的水壩，以上就以林澗為主了。
澗道開始收窄且變得平緩。
但仍偶見小潭小瀑。
265米，石頭上小休一下。
繼續前進...
之後又有路標，又見樹枝剪口，此坑算幾有人氣吧！
278米的右源，似乎幾密冇乜遊人。
左源乃石河坑狀，比較疏通，走這一邊。(11:55)
沿途仍有路標。
300米，澗坑左方綁了標，而前面稍密，應該是離澗坦途了 (但不平坦)。
都只是短短30米穿林，即可駁回連接友愛村和M131的山徑。(12:10)
澗谷未足350米高右方似乎有少少石玩，不過有緣再探了。
之後順便一探蝦公坑，終於見到會開爐大休的旅行隊了...
沒有留言:
發佈留言