龍潭左澗 / 公坑

圭角山以北，龍潭坑和彭屋坑之間有土名分別為「婆坑」「公坑」的兩條荒坑 (左右分源位於40米處)，兩坑東西面夾着了土名為「夾坑屻」的山脊。因為之前都玩過龍潭坑和彭屋坑，好奇心泛濫下決定一探。

因為除非對圭角山好有研究 (或者真係開本《香港山嶺志》出嚟睇)，應該冇乜人會知道「婆坑」「公坑」呢兩個名，小弟都係叫佢做「龍潭左澗」了🤡

77K巴士又係蕉徑站落車... 此巴士站來過好多次了。







過了彭屋再深入農地，沿石屎路入澗。







35米入澗...都叫有水應該唔會太差🤡 (09:10)







初段最多都係偶有禾草封路，還好啦...





入澗不久，好快已經要濕腳了。



平緩澗道盡處為40米左右分源位。(09:20)



右小源土名為「婆坑」🤔



左源土名「公坑」，今次探呢一邊。行澗都已經好耐冇落過路標了，今次綁咗少少...

要知道當年行彭屋坑中途有緣見到馳騁路標，第一感覺係好鼓舞的🫢









分源過後仍然會有較密的位置... 例如再有禾草密封。





慢慢上升到60米，地圖顯示似乎澗道之後會開始上升，情況要好轉了... 嗎?



似乎諗多了🤡





似乎澗谷太寬闊，地面大多泥和植物，不太成澗型。結果又係不斷典草坡打林上... 冇諗到上到呢度開始斜都咁密🥱

如今下面的薇甘菊禾草密位已經被小弟撕出一洞...



偶而澗坑中會有一兩塊石頭...







但仍然偶有石頭堆睇吓，不算太差🤔







105米，回望後方蕉徑。澗谷寬而淺，唔睇前面嘅話感覺幾開揚下。



前面呢... 就令人感覺絕望了🤡





150米，依舊鏟林上。



難得有石頭堆疊位係不太密的...







150米起，澗谷再擴闊，中間好似更密了，靠右方沿斜泥坡疏位前進。





180米，切會澗中間處，似乎略有好轉...





200米，似乎越行越通，十分感動。 (10:55)



清幽又原始，入澗之今少少人工野都見唔到。如今澗型重現，算是苦盡甘來了。







開始出現石河的形態...





230米，澗谷兩邊亦慢慢變成好走的疏林。





石河段好長下，好疏通好走，冇諗到圭角山北面都會見到呢番景象。(少少大刀屻的澗的上源feel)

基本上220米-350米都係咁，好好行，係咁影相...







形狀奇特的兩棵枯樹。











300米，繼續都係好走的路況。 (11:20)





此大石都有三四個人高，左邊兜過之途成一小石峽。

又有樹藤可以夾住部手機自拍





之後再上澗谷明顯收窄了不少。







370米，前方已密，右方有小山脊，就此離澗。(11:45)







回望「公坑」澗谷。



好快可以接到路胚，續上453米「龍潭叾」。





歸途順便下探桂角東坑。