牛潭尾坑 / 圭角西坑

雞公嶺北面的坑中，彭屋坑和龍潭坑之前都已經試過了，未試過而有名稱的應該只剩下牛潭尾坑和圭牛坑。如今探牛潭尾坑後，發現此坑初段頗有難道，但其驚喜好玩的程度，絕對是新界西北數一數二的。

後來翻查馳騁資料時發現，此坑也作圭角西坑。(西? 條坑南北走向喎，邊x度西)

37小巴悠潭尾村公所落車，先向配水庫方向行。






上到90米，清悠路「蛇鼠脊」入口旁入坑。 (10:50)







水量已經不會令人失望。





初段大石又濕又跣，略有難道。



石頭之大令上攀頗為困難。



圭角水系正常發揮：沿水捐入去是通的。





115米，好快有第一個天然流瀑。






120米，兩邊也有流水，衡量過後都係試一試右邊。





130米，向上一探，右邊似乎疏通，乃好大的一個石室







呢個石室應該可以塞得落十幾個人...入邊冇出口







石室右邊似乎有泥坡可以上，但一探後發現後邊只有更多的擋路大石和密林，翻看地圖後相信應該是135米分出的右小源。

退回石室下，切回左邊主源。



望返啱啱個分源位









開始靠近160米分源位，似乎有啲嘢睇。(11:40)



右方見到一舊大石，雖然坑位在左，聲音是從大石那邊傳來的...

下為回望視覺



好似有個窿，可以捐入去睇吓



在通道內向前方影出去，啲形狀似乎幾適合打卡

望返啱啱爬入嚟個位...

一爬出去，出現喺巨大的石縫中間，這裏不比九管左坑失色，太精彩了。











又上又落，呢度玩了好一陣。



石室石峽頗大，大到爬唔到嗰隻，右邊似乎又鏟唔到。



最尾原路捐返入個窿，返左邊繼續上。(11:55)



感覺少少密，相信應該係160米分源位。正路應該繼續走右源，應該唔會行錯。



之後有一個瀑，石面一樣是滑的




緊接就係主瀑，呢個接近20米高。






原來分了兩層，轉過彎後...



瀑頂200米 (12:05)



可以望到蛇鼠脊老鼠石，估計兩邊可以對望。(未去過)






210米，開始進入清幽林澗段，啲攀爬位都幾唔悶。





有一連瀑約十多米高，左線右線均可。







250米，澗道又起變化...(12:25)





直接穿過去



撥完少少草後，呢度都有個爬位，幾有驚喜。當然一樣都係又濕又跣。



之後情況又好返少少。



290米，右方又一舊大石。



坑道中央又再出現一個石室，當然細過之前嗰啲，都收埋到一個人。







睇完咪繼續上，如果中間太難爬，左右兩邊都係疏林。





340米，感覺到就嚟到終點了，有啲唔捨得。(13:05)







410米，地圖分源位以上坑位會密少少但好易攝過。
實際上唔好信水線，行到就上即可。





430米，左方一片好景，但感覺仲可以沿坑上多少少。







465米，坑左見絲帶，咁綁法即係可以打左離開了。(13:45)



離開中途回望一下呢條靚澗。









雞公嶺啲草坡好好爬，好快就上到脊535米處。(14:15)