山上遊記: 圭牛坑 / 深坑瀝

圭牛坑，顧名思義為圭角山流入牛潭尾的坑澗，在《桂角山志》中此坑土名為深坑瀝。馳騁似乎喺2006年11月12日上溯過，亦喺2011年喺澗口浸過下水咁。

想講馳騁呢個名幾唔吸引下，不過唔緊要，照去。

又係從牛潭尾上清攸路，今次上到去之後轉左往濾水廠方向。

經牛潭尾左坑（大坑瀝）澗口。

濾水廠前跟路標轉右...

沿靠左面的路標入澗。

今次入澗位直接在牛潭尾濾水廠閘外... (09:00)

就此上溯，初段是很正常的...

亦有人工堤壩...

壩上仍有路標，是另一條清攸路上龍潭坳的山徑橫過，但大家都過澗而不溯...

50米高，前方有一稍密位，但不難處理。

遇然會密一下，但不缺較疏通的路段。

大石在下，樹枝壓頂，下方仍能通行，又一次落返條標...

左方捐出去...

之後乃一片看似熟悉的乾坑草原樣，今年見過不下十次了...

至少中間仍見石塊，算不錯了...

亦有「II竇」的痕跡...

70米，繼續都係同樣面貌...

是14年的九江雙蒸玻璃樽，到底是誰會帶九江雙蒸玻璃樽上山呢🤡
要知道馳騁最近也只是在06年上溯過此坑... (如果佢哋沒有敗走)

但之後有一段仔係幾通的👀 而且仍有水潭



80米，有一小石峽之餘再發現地面再有「II竇」的痕跡...

此峽雖只有兩三個人高，但下方並無腳位... 圭角北坡啲石太圓滑🤡

最後只能借助左方大石上的凹位和上方的樹枝勉強上攀...

到頂之後一段通行不特別難...

亦連續有數個小潭瀑，且水質不差！

95米，前方似乎頗為疏通，似人工開出來的... 細心一睇，地下枯枝多，但上方藤枝並不見剪口... (09:50)

之後文字說明了...（見文末吧）
繼續前探，右邊有一兩米高的泥坡，而上面竟有清晰路胚。難道會有遊人在此想打上山脊? 好奇心驅使之下，向上一探，竟見兩三個用布+紅白藍膠袋架起的營幕，十分企理整潔，完全不像平時溯澗所見、冇人打理且十分老舊的廢棄巢竇😵‍💫

即係啱啱疏通的一段係佢從住所行去取水而撕出來的路...

隻身一人，如果入面有人跑出就1v1了。不節外生枝，當咩都睇唔到了，繼續上😂 ~~(大家感興趣嘅話可以去睇吓，我咩都唔知)~~

~~(同埋始終係人哋屋企...)~~

之後有黃藤party...

右方略疏，少量修剪即可以繞過。

疏通了一陣，之前仍有熟悉的乾坑草原樣...

原來是身處120米的左右分源位，當然是走較長而入口相對不密的右源。

140米，繼續草面上邊慢慢典上...

入返石河坑道，150米，乃一塊乾壁，上面仍有雨水沖刷的痕跡，落雨時應該不錯！

左方可安全上攀，雖然右方亦可但植被碎泥較多。

之後繼續上，保持一貫風貌...

160米另一分源位，左右源澗谷清晰，雖然澗坑入口仍是密林。

走左源，向左下方插入石河狀坑道...

看似被封，而且夾有黃藤，稍為修剪...

175米以上，似乎通了不少！

180米，回望大後方剛才玩過的一大片草坡... (10:45)

捐入前方的薇甘菊，坑道面貌大幅改善！

沿坑道上，接近220米，左邊突然挺起一石壁...

左方石壁持續變斜，右方岩石又慢慢凸起，收窄成一峽，只能容2-3個人並排通過🫠

到峽最盡處，上方兩邊卡了一舊石頭，右方倒出的石壁仍有流水滴下。可謂幾獨特的一瀑，呃人嚟打卡一定好正🤡

(22.47173, 114.08837)

左方的石壁乃一岩洞，是小弟在圭角目前見過唯一的天然岩洞🫠 上攀幾困難，收唔到電話訊號，不正攀了。

向後方退回。

右邊的石崖不太斜，就此沿峽直上，避過此峽。

到頂，從右方壁頂望向岩洞。

此洞幾深下，雖然冇鳳凰山一樹岩洞深，但絕對勝於狗牙嶺閻王洞、馬鞍山馬頷峽嗰幾個窿...

望吓好了，橫斜過去幾險下，腳位又暗斜望落又跣...

上方幾斜又滑，都係繼續右方上...之後再打左入返坑。

240米以上，過了剛才一峽，坑道仍然有小水潭，算是幾不錯了...

270米，地圖水線在右，不過沿山谷左方走理應可以直接離澗。(11:15)

不過貪玩，又嘗試走去右方水線...