牛坳山西坑

 

之前夜間探過牛坳山北坑 / 牛坳左坑，還算不錯。既然今日早起了，就不如行埋牛坳山西坑... 此坑又名牛坳右坑，源起自位處於大老山以北的牛坳山，向西流入瑪麗口坑。此坑可以說是一條河頗短的澗，而且極具大欖水系的特色*...

* 不論是在植披層面、坑峽形狀、同埋好跣的岩石方面...

大老山隧道轉車站出發，沿車路上通風樓。冇諗到今日呢度閘開咗...

牛坳山西坑澗口在通風樓之後，人工建築頗多，而且泥波好斜，唔係好方便正面入澗呢... 只好轉入左方馬路走上少少。

上少少見到引水道，轉入沿引水道向右走。

引水路水管正上方過去。

如今所見，入澗位只有一條舊標。

95米入澗，先是一塊不算斜但幾跣的濕滑壁面。這就是牛坳山西坑了！ (04:25)

過了後則是一水壩，側邊岩石幾企，繞過都幾麻煩...

不過有條膠帶掛咗喺度，長度啱啱好足以正攀拉自己上去。

過了堤壩後是一小瀑，春天潮濕，岩石面乃濕泥青苔，坡度雖然小但亦不易上...

很窄的坑峽，而且花崗岩面十分跣腳... 乾位都唔代表易玩😂

此峽又欠咬腳的位可以踩...

咁只好左邊草坡繞上了...

之後仍然有窄坑峽可玩，繼續上溯。



亦不乏開揚的石板位。





160米，又一塊幾闊的石板，大水嘅話應該幾壯觀...沿左邊乾位上。(04:45)







寬苞茅膏菜 (說此坑有大欖水系特色不為過了，石又跣)... 此等植物黃牛水系中算係比較少見。







195米，應該是此坑中最大塊的石板，大概20米長；雖只有約30度斜，但在濕泥佔半的花崗岩面上亦未敢鬆懈...

諗起如果大水嘅話一定好有景睇😂



之後坑道收窄，進入上源路段。

220米起，亦有少量藤蔓和枯樹枝阻路... (05:00)

向右穿林離澗吧... (地政地圖其實有footpath，不過實際情況大家懂的🙄)

草堆中捐到235米高，見右方乃疏林，又有樹枝剪口，就此打右上墳地山崗吧！

上到270米高的山坳處，地勢突然轉平，變成了芒箕林地。 (05:25)

穿少少芒箕草地，接回墳地山徑。

可遠望觀音山村一帶的燈火。

後來發現一堆路標，證明此小山崗的山徑其實都頗有人氣的...

沿路離去...

向馬麗口坑左源方向，沿旁邊山徑落，踏上歸途。