白牛石坑 右源左支

白牛石坑整體大小在大刀屻水系中並不算小，不少支流都頗為可觀。既然左源已經玩過晒，右源都目前為止，只係玩咗135米分出的最右支，而且已經好一段時間冇來探訪這座大頭羊了，咁不如今日去探下右源左支。

又一次來到白牛石村展開旅程。

又是同一個白牛石上村位，左邊兜個小屋，向右橫切往山墳路。

(留意下圖，遠處村民已經望緊我...)

（遠處的應該是村民=👦🏽；筆者=🤡）

👦🏽：「你行山呀? 打算去邊呀? 」

🤡：「上頂囉～」

👦🏽：「呢度上呀，有冇帶刀呀? 石屎路上到九成之後行唔到架。」

🤡：「當然有！呢條路都行過一兩次㗎喇。」

👦🏽：「你叫咩名吖? 我都想行吓，不如等一等我去換件衫，之後一齊上。」

🤡：「但我係行澗上，應該唔同路喎。」

👦🏽：「咁好啦...」

一丁友繼續沿山墳石屎路入...

白牛石竹林隧道已成絕響🥲



今次上少少，沿路上到130米先開始入溯。

墳地右方有路胚入澗... 之前都唔覺...

125米入澗，前方不遠處為最右支的分出位。(10:40)

左支和右支的那一邊，則有禾路擋路。



枯禾草，直接撞過... 搞到成地都係碎...

感覺情況不太差...





之後雲實擋路，修剪前：

修剪後：

又疏通返少少，ok啦...

此位置雖只有一兩個人高，但欠手腳位，難以正上。

左邊此峽仔還好，至少有腳位，手位則和有藤可掹...

上咗去之後仍要修剪一下。

草堆中捐出，前路尚算清晰...

塌樹擋路，但好在啲窿夠大可以捐過。

這層雲實不太厚，剪一剪就已經捐得入去。

搞了一大輪，前面會疏返少少嗎？希望啦...







終於到160米高，但前路再次有荊棘封死... (11:10)

大大力剪了...

第一次會因為蛇泡簕而感到痛苦，呢幾棵蛇泡簕每一棵都比人高😅

剪後回望，各式各樣帶刺藤枝遍佈地上，可謂壯觀...

原來剛才這一段十幾米的澗道玩了十五分鐘。(11:25)

不過至少前面好似有少少進步...









175米，帶刺藤蔓多，但這段澗谷足夠闊，都容易搵到較疏較可通行位... 當然修剪還是需要的🤪

石河收窄，大量藤蔓再次密封澗道。(11:50)

但左邊有空位啊！可以繞過最密的一段...

不過打回澗道仍然須要打爆一道華南雲實的「牆」，又大大力剪開。

重回澗道之後仍須要略剪。

180米，大剪了咁耐，手又損，終於見一瀑，可謂苦盡甘來🥹 (12:00)

要好好觀賞，又係時候出剪修茸一下...

果然不錯！





繼續前進，有一小段的疏通的。

但之後當然仍然須要出剪🤪

190米，澗道微向右轉，左方岩塊從地面隆起，算是托起了藤蔓。今次可以貼着岩塊前進，不用修剪！

藤蔓之下宛如一條隧道...

之後更開始疏通起來，澗容持續改善...

之後更有兩個瀑布，不錯呢！





200米分源位，左支和右支很清晰吧！(12:15)



今次走的是左支，入口係咁樣。

正面突破的話，應該會被黃藤壓頂...



但左方有一通道，可以在左邊的蕨林和右邊的黃藤中間鑽過... 

右方的黃藤又是很壯觀的...

走了十多米之後脫出！



小潭小瀑不斷，而且相對疏通。

又有一瀑，又係有藤蔓在前。一場嚟到，當然又修剪一下，好好欣賞一下。

剪後：



上攀後回望：

之後繼續有靚瀑，正！是很整潔的原始澗貌😍

220米，又另一個樹根瀑。同樣在白牛石坑，同樣在220米左右，左源右支也有一個噢...

230米，澗道繼續緩慢上升，走來暢快！











過了250米，澗道開始出現比較大塊需要上攀的壁位。(12:45)





270米，一巨壁擋在前路。此壁至少有兩三層樓高，兩邊幾直；但中間似乎有一峽，只有60-80度斜，可以正攀。

手腳位還算足夠，懸空感不大。

左邊似乎也可以上泥坡避險...



上攀過後，接連有乾壁可玩，坑道乾爽，又是一段令人𣈱快的路途。











305米，此壁亦有三四層樓高，手腳位似乎幾滑，正上頗有風險。



右邊鏟上泥坡避過，腳下雖多落葉，幾跣，但至少有幾大的幾棵樹可扶...

橫移回澗道...

之後仍有少密位，又剪一下吧。





335米，斜壁成為此段的主調，可快速上攀。







345米的分源位，眼前左右源感覺分別不大... 本身打算走指向513米小坳位的左源。

但都是先嘗試跟眼前所見較疏位上吧...

結果上到375米才知道自己走了右邊... 而且眼前所見，此源幾斜有一點兇險味...



只好斜移，橫切回左邊，但都先要跨過50-70度斜的脊呢...

到了左邊，眼前所見又覺得悶...

不如都係再一次跨脊，去返右邊爬爬🤡



380米，沿右邊爬上，整體就是大概40-50度斜的石河乾坑... (13:15)

回望後方，都幾開揚，可反映這段的確是幾斜的。



400米，先爬過一壁，之後有一小段比較平緩的路段可以唞一唞。









425米起，坑道又開始變斜...



而且碎石頗多，最好小心了...

480米，澗坑開始消失，兩邊變成疏林，是南大刀刃澗系中常見的窮源景象... (13:35)



向右方鏟上凸出的脊位前進...





505米，都需要同灌木林搏鬥一番...

520米，接近山脊頂，視野開始清晰。

回望後方白牛石村...

左邊乃大刀屻的南方險要稜線...

到了山脊頂，還需稍為下降，接回大刀屻徑540米處。(14:00) 

順便下溯塘面坑左支。

玩咗大半條左支都冇嘢好睇，跨脊橫移往主源下溯塘面坑...