白牛石坑 右源最右支

白牛石坑以澗谷大小來說，在大刀屻水系中並不算小。既然之前開咗個頭，今日又好似好想落雨咁，唔方便玩其他比較險嘅嘢，咁不如就嚟呢邊清一下澗。

白牛石坑支澗頗多，而右源最右支在135米高處已經獨立地分出，既然右源左支和右支都頗有人氣*，可以留返其他場合玩，不如今次隻身一人就先探最右支。其實此右源最右支乃白牛石坑眾多支流、以至全個大刀屻水系中最正的一澗，絕對值得一訪！

(*去過右源左支後決定收返呢一句...)

同上次《白牛石坑左源右支》一樣，都係咁樣入墓地山脊。

 

 

不過今次過咗竹林隧道之後，行右邊入澗。



110米位入澗。(09:05)



之後有一棵又係生生下倒塌，再向上生嘅樹。



此段同白牛石坑左源幾似，不過冇咁密。





有水霸。



135米，右源分出最右支的分源位。今次探最右支，當然走右。(09:25)





撥開其實是通的...





150米左右，先後有薇甘菊、禾草稍為阻路，不過唔難搞。







160米，竟然有兩個舊標...



原來開始嚟料，先有一個幾三層樓高的瀑，有三層。

第一層：



第二及第三層：



上第三層前下望。



緊接另一高瀑，一定過10米高... 冇諗過咁精彩...





右邊避，但都幾險下，求其捉一條藤都有五成機會係會斷的死樹枝。



避完之後當然要林藝。下望要幾斜下...





到頂乃200米，仍然未完，不乏連瀑，好精彩！(10:00)







贏左源九條街，疏通又好玩，上得好快。









275米，不知不覺間竟然行到一塊好平整的巨壁，保守估計都有成20米高，大吃一驚，勁開心。(其實地圖有的) (10:25)



壁左...



右邊踩石仔向上，靠近山脊方向。



到差唔多高，避開晒啲橫移騎呢位，向左方劈返入澗。



要同好多樹藤玩...



返回澗道，到310米，仍然疏通。(10:45)



仍有好玩的壁仔。









回望，此段又係上得幾快下。



360米，白色一塊盾牌形石頭出現在一黑壁之前，形成對比，幾趣緻... (11:00)







400米，兩邊仍是疏林。理論上呢個時候已經可以隨時打右接沙壩脊。但係既然中間咁通，繼續行埋佢啦。







480米，開始密，但啲植物都好friendly，冇刺，繼續直接上。









560米，接大刀屻徑。比想像中輕鬆好玩好多。(11:40)



時間尚早，玩埋油柑坑右源左源先收工。