之前經金竹淵/水翁坑落完，綑經金竹排打算玩埋田頭坑。
田頭坑源起大峒東南面，流向東南方流入田頭嘴一帶，算是和金竹排坑一右一左的平衡澗線。過往筆者冬日探遊船灣內湖石澗，基本上只會偶爾在低處見到流水，上源通常只有乾壁。而田頭坑竟然有瀑，可謂非常出色了...
田頭坑右方有一平行小徑，可能是舊村民的路，標示了在地政地圖上。澗道在90米高處左折，而小徑則會向大洞坳*南方延伸出來的稜線方向cut。就咁睇地圖似乎此徑最後兩三十米幾斜，可能有嘢玩，於是就順便探埋了。
(*大洞坳即係大峒同觀音峒中間的254m山坳位，至於點解係「洞」唔係「峒」，唔好問我點解😅)
抵達田頭坑澗口。(10:05)
入澗不足20米，立即有一大堆塌竹擋路...
避過之後繼續沿着谷位行...
又有比較密封的位，不過植物ok親民，唔使出剪。
繼續向前，但感覺有啲唔對路...
睇返地圖，原來行錯了30米分出的小左源。cut返去右邊之後...
之後條坑正常返少少...
上到50米，俾左方一野狗吠咗一聲，嚇咗一跳🫢
55米，想不到雖然下源全乾，但此時竟然見到水🤡 (10:25)
澗容持續改善中...
90米，澗谷向左彎，和山脊方向相反... 似乎唔想舊地重遊就最好從此處上脊走...
此般澗容，在船灣內湖石澗中絕對算數一數二。不再深入去探很可惜，所以繼續上了🫠
在冬日此瀑可謂船灣內湖石澗中唯一有水的瀑布！
都有近兩層樓高，十分感動！原來船灣內湖都有瀑布，之前七條都未見過此番景象...
110米，上源都開始密返少少。(10:40)
再上會係大峒南崖，啱啱見到那個瀑布已心滿意足矣。沿路下溯走去探大洞坳南面的疑似崖位。
返返去之前個位走了...
見返條脊了，鏟泥坡上了。
100米，好快搵到路胚 (約50年前的) 。(10:50)
有時路胚若隱若現，不過兩邊乃疏林，可以靠方位鏟。(以下一句乃個人意見，小心使用) 在疏林中，如果見到泥土上有幼少的樹苗，很可能是荒徑的路胚。
135米，手掌形狀古樹... (22.4953,114.2777)
臨近150米，一段石河打斷了路胚...
不過過後好快摸得翻路胚。
165米，沿徑轉左灣上坡。
沿路都見紅色石塊，雖然散落一地但只見於路徑附近。難道是路標？
(地下又有紅色石塊了)
210米起，徑兩旁樹木明顯變矮，路亦窄了一點，相信是快到頂了。(11:10)
雖然有啲位開始要捐，但路胚仍然清晰🫠
225米，開始出現崖狀岩面，唔通要爬？
右邊的崖底似乎有垃圾，去睇睇先。
向上時同時向左小幅橫移修正...
近245米，感覺快到大洞坳了... 穿過幾棵細樹上。
右邊塊崖...
左邊也有崖。
中間都有塊壁，算係右崖嘅延伸，但一般人/以前嘅村民可以左邊鏟入林，一啲都唔險。未探之前還以為有返咁上下險的...
上後，左邊可遠眺大峒及其南崖。
都到頂了，上面仍有一小石塔，自由發揮。
254米大洞坳接船灣淡水湖郊遊徑。(11:20)
沒有留言:
發佈留言