泥塘角坑

泥塘角乃昔日船灣九村之一，和橫嶺背合計一鄉。其地理位置有一水線，源起赤馬頭以西的山坡。此坑石景不錯，但和同區水線比起算多簕，美中不足。如今剛下溯點藻尾，便上溯此坑。

(土名參考)

30米位入溯。(09:50)

大石頗多，下源幾疏通下，但上少少開始有簕。



不乏人工石牆。



60米，左方出現一大塊石，當然埋去睇睇。





但之後cut返澗道要cut埋簕。



70米，前方出現一塊10米高的巨壁！如果有水呢...🤤 (10:05)



目視壁上黃蜂，正攀的話似乎要同黃蜂玩，搏唔過。



繞右邊攀上再向左橫移，嘩！全部藤枝都係簕，枝枝都粗過手指。地下係碎泥坡，要快速、大大力略剪才能在泥坡全碎前攝過，心血少啲都唔得...



到頂鬆一口氣。(10:15)



上到75米。



80米左右分源走右源，地圖左源澗谷似乎幾淺。



85米，似乎有另一條內湖橫山徑，又或者是山脊上山小徑。不過反正自己有能力走到，咁梗係玩耐啲...





105米分源，走邊一邊都一樣...（反正上到就得）(10:20)



先探下右源...



都係cut上脊去左邊好走啲。上脊幾斜下。



沿途有疏位上，係斜咗啲咁。





Keep住40度左右上升。





180米，唔小心踩甩咗個hold，舊石碌咗14秒先停到，可以算長命斜吧...



穿疏林輕鬆出澗，相信右源可能斜少少會難搞啲。



接鹿湖郊遊徑220米。(10:50)



之後加遊下溯石水澗。是日下半場《芬箕托西坑》。