東山西坑

繼之前玩過下一排「63S*水系」之後，係時候要開發新嘅深夜溯澗地區了。今次玩吓「66S*水系」。

(*通宵小巴路線)

今次本身想上溯南山尾石澗，但入澗不留神行錯了東山西坑。此坑相比起右邊的象南坑會密少少，特別是330米以上，但會比象南坑多瀑可觀（當然和南山尾石澗比就仍然有一大段進步空間...）

鯊魚石幾近入澗位，即管去睇下。隻眼畫上去嘅，咁冇乜意思啦...



180米橋位見到條澗。(03:35)



水量見ok，冇多諗又冇對地圖就入了...



小瀑水潭有好幾個，好疏通，冇乜難位。





255米，中段幾可觀的一瀑。



之後仍然係石河狀澗道。



310米，開始收水了。



接近330米分源位，夜晚睇唔清楚路，今次唔小心去了右邊...(04:10)



右邊此瀑好似有個空位可以捐上去，但上到去之後係華南雲實繩網陣... 上面玩了十幾分鐘先過返到去右邊。



之後搵了疏位cut返過去疏通的左邊。(04:25)



扎山道前為主瀑，有三四層樓高。靠右方上到最頂有簕夾道歡迎，但瀑頂幾跣下，自己睇路...



375米出扎山道，先發現自己行錯澗... (04:35)



時間尚早，象南坑落，再上返啱嗰條南山尾石澗... cls清晨兩三個鐘竟然夠玩三條🤪