白牛石坑 左源最右支

白牛石坑支澗頗多，既然之前探過左源右支、右源最右支，是日又有微雨，不如探一下估計唔太斜唔險的左源分出的其它支...

左源最右支乃白牛石坑近年最有人氣的一條支，2017年的時候，有大隊上過亦有小組落過，應該不錯的。探過後，覺得此支的確幾適合大隊玩，但說不上精彩。

12日內嚟第三次了... 今次會skip 230米之下一段，之前已經探過了。

同之前一樣，左邊鏟入山墳路... (09:15)

此墳乃人工化石屎路的盡頭，之後係芒箕林荒徑。(09:35)

上到差唔多高，開始左移，跟路標入澗。

約230米，荒徑橫切澗口處入澗。 (09:55)







初段澗道相當纖細，而且唔開揚。







260米，一塊一層樓高嘅細壁，正攀而上。



之後澗道開始出現變化...







280米-310米一段，非常纖幼的坑峽上升，多爬但又唔險。雖然纖幼，但峽深，兩邊都幾高下。



望返後邊，天氣又多雲，搞到條坑勁暗...



315米，離開坑峽，開始開揚返少少。(10:25)



再上仍有好多壁...



但不密，好似一條大刀屻澗正正常常嘅上源咁樣。





好多塊壁，唔怪得咁有人氣，潮濕天氣爬會難少少，不過又唔險唔太斜，反而幾好玩下。







370米，繼續有壁，不過越來越大霧...









420米，澗谷乃疏林，更搵到一條舊標...

得一條，咁咪繼續沿澗谷上。

一路可以鏟上470米，先開始密。



但呢度啲植物好Friendly，好快可以出澗。



495米，接大刀屻徑。(11:10)



下接白牛石坑左源最左支