貓兒坑

本身夜晚行澗不會特別寫遊記，夜晚很難影到睇得清澗貌嘅相... 不過既然算係獅子雞胸一帶較少人踏足嘅澗線，即管試吓用多少少文字搭夠...

流入九龍水塘，獅子山以北的引水道盡頭就係貓兒坑。

150米主瀑入澗，冬日好乾... (05:15)

澗道好快已經收窄... 澗道兩邊貧養植物居多，中間澗坑又窄，只有一兩個身位大小的較疏通處。基本上好多時都係要捐。

約190米一瀑... 基本上此坑180-230米有較多只有一兩層樓高的迷你小瀑。

其中只有一個比較難唔濕腳玩，可以左邊泥坡兜過。特別一提此坑真係幾窄下，相信大水唔濕腳玩幾有難度。

230米，一塊生滿枯枝嘅尾壁，上面生曬野，只會喺下面先影到水... (05:40)

230-260米，偶有疏林但爛泥段更多，如今冬日已經少少水都冇了。約265米有分源，17年馳騁走的是右邊，但今次小弟鏟左邊，想直上貓仔石...

260-280米，地又平天又黑，搵唔到澗谷，只好靠bearing鏟... (06:00)

270米先好似搵返澗谷較疏位...

280米左右一個石室，三舊石堆成嘅就係三角石室...

基本上都係繼續沿近澗谷疏處走...

305米，呢一舊石基本上有小半舊「雄獅拉屎石」大，唔叫貓屎石叫咩？

跟住繼續喺斜坡砌上去，好快可以到360米貓仔石底。(06:20)

要趕落山冇時間慢慢等日出了... 接雞胸北脊落山。