鳳東下坑 / 牛塘北坑中源

捉緊清涼天氣的尾巴，是日行程參考2001年的馳騁鳳凰群英會，一共玩九條澗。同當年唔同嘅係今次self-supported、同冇十個半鐘cutoff前完成可以攞到的署名紀念獎牌🤡 而鳳東下坑 (即牛塘北坑中源*)為是日行程中的第七條。

*至於馳騁鳳凰群英會走的是牛塘北坑右源還是中源呢？反正馳騁Albert Fotop相簿地圖都是把「鳳東下坑」四隻大字標在中源水線之上，咁就當係中源了。

晨早飛的士入石門甲出發。(05:40)

天黑時的曹溪，聽聲好似ok好水但咩都睇唔到...



經北天門石澗時的日出。接着下降鳳峰石河後經昂平上溯西狗牙坑。



跨脊下溯東狗牙坑，再上南天門石澗。



從鳳凰徑下望牛塘北坑中源及左源。



530米，就此向左穿草坡進入澗谷。(12:35)





一入到喬木林中已經十分疏通了。





上源坑道都係石河為主。



480米...





420米，澗貌持續改善，開始出現小水潭。







開始有啲比較大的落差位。





吊在半天的枯枝，等睇佢幾時跌落嚟🫠



360米，下降一瀑。







此坑的路標頗為陳舊，更有不少標因樹枝腐爛而跌了落地下。而且又冇乜綁新標...



340米一瀑。下溯此坑時要特別小心枯木，樹枝腐爛情況幾嚴重，手hold用之前要小心。



正午時分來到，陽光正好在頂直照入林蔭之下，靚！



又一條跌了的路標。



偶有樹枝藤蔓阻路，但中間都算通。











300米之下，澗道漸變平緩。







仍偶有藤蔓阻路，捐過去...



280米，東涌道的車聲已十分清晰，離出澗不遠矣。





260米，接地塘仔郊遊徑，出澗。(13:15)



入澗的視覺，似乎不特別開揚。



接着下溯鳳東飛流和鳳大北坑，共計8小時24分鐘完成九澗🫠 (14:00)