大金鐘山勢欠澗谷，基本上澗線不多。上次玩完源起大金鐘北方的金鐘坑，今次再探源起大金鐘南方的金字塔左澗，基本上就完成大金鐘東面整個系列了。
菠蘿輋路入澗，110米，澗口有村民一家大小嬉水。(10:25)
入口乃石河狀地貌，可快速通過。
140米一水壩，聽聞左方可駁山脊直上昂坪觀景台
比起想像中通好多，體驗完全勝過右邊的金鐘坑😂
少量薇甘菊，擋路的夾雜帶刺藤本，出一下剪啦。
190米，事後睇返其實呢個係主瀑，反正高瀑非此坑賣點。(10:50)
石峽位上攀盡處為一塌樹幹。
220米，都叫有小潭有小瀑，似模似樣咁。
上方乃280米的左中右三源分源位。上一石台觀察一下先。(11:25)
石台頂終清晰可見大金鐘和其南崖。
望返下便澗谷，左源指往金鐘南脊左方的山脊，右源和中間似乎指往金鐘隙或附近一帶🤔
今次志不在玩險，行左邊，離澗較容易。
320米，坑道兩旁各一石塔，相互對峙，成天門狀，幾不錯的。
當然，少不了蕉樹和石河，同三隻手掌大的野豬 (真的🤪雖然唔係好確定係野豬)。
回望石峽，感覺憑呢段仔值回票價了。
再上繼續為石河，有被薇甘菊攻陷，弄得兩敗俱傷的蕉樹。(好似街燈🤡)
上望澗谷，出澗不遠矣。(11:50)
400米，難得嚟到，打右切入金鐘南崖左邊幾座石塔玩一下。
昂坪觀景台當然有人...
好似一共玩咗四層，第二層外拋感幾強下，手腳位又差... (冇影到)
最斜一段已經過去，上爬之餘亦要考慮橫移。
460米，接大金鐘的山徑。(12:30)
沒有留言:
發佈留言