上橫涌石澗右源 / 橫山溪

探完犁壁右坑，先從犁橫石澗左源落山，竟然冬日都幾好水！

水質又靚😍 

出澗經衛奕信徑過去探上橫涌石澗右源，又可以跟土名叫橫山溪。時候不早，今次會溯235-260米一段平緩澗道。(12:55)



入口好乾，水質劣到爆炸🤮🤮 同橫涌左源犁橫石澗係兩個世界...

下圖可見此澗乾的時候會變成一條泥沼路🤡

一潭死水，唔敢掂... 夏天如無改善可能只係養蚊池...

240米高的彎位有一個大潭，即900山澗誌幅相所拍攝的一瀑... 水質cls🤡

為免濕腳，左方鏟入林中繞過...



之後好似有所好轉，澗谷濕泥沼少了一點，亦多了一點外露石面可通行。

不過死水仍是有的，同emoji的嘔吐物顏色一樣 ->🤮

按照計劃係跟OSM黃路向橫七古道/衛徑方向出澗... (13:20)

路呢？ 根據經驗，在此等生境的地方還是無謂浪費時間搵路胚路標了...

依方位向小山丘鏟...此區還沒有電話信號，如果欠行山經驗的人誤入此區，大概會GG吧🤔

至少先嘗試找到OSM黃路和黃路間的intersection，但似乎又是被芒箕崗松禾草埋了...

似乎沒有路胚路標，直線向東北鏟算了...





落到橫七古道旁的一個山谷位，腳踩了入濕泥入面...

不過脫出位在望了！

接橫七古道W132-W133處。(13:55)

犁壁右坑

之前探過的純陽西坑，乃犁壁右坑145米分出的右源。記得上次探遊，其較密位主要集中在160米之下，而145米以下部份已開通過了。本有計劃短期內收割自己成果，一探犁壁右坑(左邊主源)，如今過了兩個月，癮起，便一人成行了。

沿山寮路深入...



村狗封路位前轉入澗道。





入溯黃嶺南坑、犁壁右坑下源。之前純陽西坑已經行過一次了，這裏不特別介紹了。(08:45)







今次嘗試早一點離開澗道，接上石屎車路...



原來過了從尾數起第二間小屋已經安全，又成功多偷一點距離。



沿車路前進...





車路位100米，入溯犁壁右坑。這段會有兩三個小瀑。之前玩過一次，這段現在疏通了不少。(09:10)











135米出林後乃一片平原。





這片薇甘菊林兩個月之前捐過的，現在枯了很易可以撕出一洞通行。



145米犁壁右坑和純陽西坑的分源位。(09:30)





如果捐入澗中，應該會睇唔到嘢吧。為咗唔好行錯分源，寧願在澗的左方較高處踩草前進。



上方撥開植披，確認一下係澗仍然健在。唔... 果然有水...



155米，離分源位已遠，撥開植披捐返入澗。





向前水平推了20米後，澗容已大為改善，澗道有一陣強烈原始的味道。





165米，好快已見連續的中型瀑布，正！









攀過三四個瀑，之後仍然陸續有來，十分精彩！









220米，一塊直壁，望見此瀑都有兩三層高...



嘗試從壁右方正攀，上了兩個身位後已經有一陣外拋感，而再上則欠手位，腳位又濕滑又斜，方知中伏... 沒有把握再上，只好盡力退下...



只好從壁右方一個峽位鏟上避險。



一鏟就是十幾米高，此泥峽石塊幾鬆，結隊同行請睇路...



差不多向左橫移回瀑頂。



瀑頂下望。(10:00)



之後仍有瀑😍





仲要唔止兩三個添，冇諗過會咁精彩！









到此為止，此坑共見三個賊仔竇... 他們真識嘆！



280米起，澗道又轉趨平緩，但澗貌仍然不差，而且疏通。







305米，左右分源，右源澗谷較大，走了右源。(10:20)



右源入口看似不俗...







比起下段的確較密，但仍ok疏通。



基本上分源位過後已經完全收水，此段偶見乾壁。







350米，澗兩邊始變得開揚。地圖水線分源走了右方，水線谷位指向犁壁山和純陽峰之間的496米山坳。





370米，前方出現一大堆封路的禾草，而且中間泥坡幾斜的。



左方鏟上芒箕林避過。



雖說是繞過，但都幾斜下，有成60-70度。腳下啲泥又碎，幸好因為多植物，懸空感不太大。



終於到了安全位置，繼續上鏟...





390米，仍見禾草密封谷位，繼續靠左方避。



400米，澗谷終於重見天日！(10:50)



左望向犁壁山，只須上多100米。





此區泥坡幾好上，少有植物𠝹手𠝹腳。





到460米，澗谷有一小片喬木林，可以小休一下。(11:15)



但向上離開的泥坡又幾斜、而且碎，上嘅時候都滑泥fall咗兩三次，不過已是最後難關了。





500米，接犁壁山和純陽峰之間一段衛奕信徑。(11:30)



入澗起只用了2小時45分鐘就已經出澗，中途又完全沒有用剪，澗貌又大超預期，太爽了！🤤🤤